AKAKKANAL WRITTEN BY NAZNIN M.P

ചില വേദനകൾ പുറത്തേക്ക് കാണില്ല.
ചില ചോദ്യങ്ങൾക്ക് ഉത്തരങ്ങൾ കിട്ടാൻ ഒരുപാട് വൈകും.
ചില മനുഷ്യർ നമ്മുടെ ജീവിതത്തിലേക്ക് വരുന്നത് നമ്മളെ സന്തോഷിപ്പിക്കാനാണോ, അതോ നമ്മളെ നമ്മളിലേക്ക് തന്നെ തിരികെ കൊണ്ടുവരാനാണോ എന്ന് തിരിച്ചറിയാനും സമയം വേണം.

“അകക്കനൽ” ഒരു teenage girl-ന്റെ ജീവിതത്തിലൂടെയുള്ള യാത്രയാണ് — സൗഹൃദങ്ങൾ, കുടുംബം, പ്രണയം, തെറ്റിദ്ധാരണകൾ, ഏകാന്തത, നഷ്ടങ്ങൾ, സ്വപ്നങ്ങൾ… ഒരിക്കൽ അവൾക്ക് വളരെ വലുതായി തോന്നിയ പല കാര്യങ്ങളിലൂടെയും അവൾ കടന്നുപോകുന്നു.

വിശ്വസിച്ച ചിലർ മാറുമ്പോൾ, സ്നേഹിച്ച ഒരാൾ അകലുമ്പോൾ, സ്വന്തം മനസ്സിൽ തന്നെ ഒരുപാട് ചോദ്യങ്ങൾ ബാക്കിയാകുമ്പോൾ — അവൾ ആരെയാണ് കുറ്റപ്പെടുത്തേണ്ടത്? മറ്റുള്ളവരെയോ… അതോ സ്വന്തം മനസ്സിനെയോ?

ഒടുവിൽ അവൾ മനസ്സിലാക്കുന്ന ഒരു കാര്യമുണ്ട്:

ഒരാളെ നഷ്ടപ്പെടുന്നത് ജീവിതത്തിന്റെ അവസാനം അല്ല.
പക്ഷേ, മറ്റൊരാളെ നഷ്ടപ്പെടുമെന്ന പേടിയിൽ നമ്മളെത്തന്നെ നഷ്ടപ്പെടുത്തുന്നതാണ് ഏറ്റവും വലിയ നഷ്ടം.