PUTHUVASANTHAM WRITTEN BY BABU THATTIL CMI

‘പുതുവസന്തം’ എന്ന പുതിയ നോവൽ, ജീവിതത്തിന്റെ അനിശ്ചിതത്വങ്ങളുടെയും അനിവാര്യമായ പരീക്ഷണങ്ങളുടെയും നടുവിൽ മനുഷ്യൻ കണ്ടെത്തുന്ന ആത്മബലത്തിന്റെ കഥയാണ്. രോഗം, ബന്ധവിച്ഛേദം, തൊഴിൽനഷ്ടം തുടങ്ങിയ ദുരന്തങ്ങൾ ജീവിതത്തിന്റെ താളം തെറ്റിക്കുമ്പോഴും, വിശ്വാസവും ദൃഢസങ്കൽപ്പവും മാനവികസഹായവും ചേർന്നാൽ അതിജീവനം സാധ്യമാകുമെന്ന് ഈ കൃതി ശക്തമായി സാക്ഷ്യപ്പെടുത്തുന്നു. ഇരുളിന്റെ നടുവിൽ തെളിയുന്ന ഒരു ദീപശിഖപോലെ, പ്രത്യാശയുടെ സാന്നിധ്യം ഈ നോവലിന്റെ ആന്തരധാരയായി ഒഴുകുന്നു.

 

എഴുത്തുകാരന്റെ ഗൗരവസമ്പന്നവും ആത്മസ്പർശുവുമായ അവതരണശൈലി വായനക്കാരനെ ആത്മപരിശോധനയിലേക്കും ആത്മബോധത്തിലേക്കും നയിക്കുന്നു. ജീവിതത്തിലെ വേദനയും നിരാശയും അനുഭവിക്കുന്നവർക്ക് പുതുശക്തിയും ഉണർവും പകരാൻ ഈ കൃതിക്ക് കഴിയുമെന്ന ആത്മവിശ്വാസം എനിക്കുണ്ട്.