FATHIMANTE MANJADIKURU WRIITEN BY YAHIYA MALIK

ഇന്ന് തിരിഞ്ഞുനോക്കുമ്പോൾ ഇതെല്ലാം ഒരു സ്വപ്നം പോലെ തോന്നുന്നു. മലപ്പുറത്തെ പൊന്നാനിയിൽ നിന്ന് തുടങ്ങിയ എന്റെ ജീവിതം ഇന്ന് ദുബായിലെ ഈ തിരക്കുകളിൽ എത്തിനിൽക്കുമ്പോൾ, ഈ അക്ഷരയാത്രയിൽ കൂടെനിന്ന എല്ലാവരോടും ഞാൻ നന്ദി പറയുന്നു.

പ്ലസ് ടു വരെയാണ് ഞാൻ പഠിച്ചത്. അത് കഴിഞ്ഞ് ജീവിതത്തിന്റെ രണ്ടറ്റം കൂട്ടിമുട്ടിക്കാൻ വേണ്ടി ദുബായിലേക്ക് തിരിച്ചു. പതിയെ പുസ്തകത്തോടും വായനയോടുമുള്ള ഇഷ്ടം കുറഞ്ഞു; ഇവിടുത്തെ തിരക്കുകൾ കൊണ്ടാകാം. എല്ലാവരെയും പോലെ പ്രണയിച്ചു നടന്നിരുന്ന ഒരു കാലം എനിക്കും ഉണ്ടായിരുന്നു. പിന്നീട് ഒരു ബ്രേക്കപ്പ് കൂടി വന്നതോടെ ഞാൻ തീർത്തും ഒറ്റപ്പെട്ടു. ഒറ്റക്കിരിക്കാൻ തുടങ്ങിയപ്പോൾ വീണ്ടും പഴയ എഴുത്തും വായനയും ശീലമാക്കി. ആ ഓർമ്മകൾ കുത്തിക്കുറിക്കാൻ തുടങ്ങിയപ്പോഴാണ് ഈ നോവൽ എഴുതാൻ തുടങ്ങിയത്. ഇതിൽ എന്റെ ചില ഓർമ്മകൾ നിങ്ങൾക്ക് കാണാം. ഇതിൽ അക്ഷരത്തെറ്റുകളോ കുറവുകളോ ഉണ്ടെങ്കിൽ എല്ലാവരും ക്ഷമിക്കണം.
എല്ലാവർക്കും ഒരിക്കൽ കൂടി നന്ദി.

സ്നേഹപൂർവ്വം,
യഹിയ മാലിക്